Tutlayt Tarusit
Tarusit tga yat tutlayt Taslafit Tagmuḍant nna s sawaln mddn, s uswir izwarn, ɣ Rusya. Tarusit ad igan tutlayt taymmat n Irusiyn, tamu ɣ twjja Tindu-Urubbit n tutalyin. Tga yat zɣ kkuẓt tutlayin Tislafiyin Tigmuḍanin ddrnin, tamu ɣ tgrumma mqqurn n tutlayin Tibalṭu-Slaviyin. Tarusit ad tt inn ikkan tga tutlayt tamaddut n Umun Asufyit s uslgn d tmskrt.[2][3] Tɣama trusiyt tla addad amaddud ɣ mnnawt tmizar ḍaṛt n tsimant nnsnt zun d Rusya, Bilarusya, Kazaxistan, Kirgizistan, Ṭajikistan, tsul tga tutlayt n unyalkam ɣ Ukṛayina, Muldufa, Aquqaz, Asya Tanammast, d tmizar n Balqan d Israyil s yan uswir idrusn,[4][5] tg yat zɣ ṣḍiṣt tutlayin timaddudin ɣ Tmtta Imunn.
| Tutlayt Tarusit | |
|---|---|
| русский язык | |
Imsiwln imlalutn |
tutlayt taymmat: 154 000 000 (2019) tutlayt taymmat: 171 428 900 (2010) 110 000 000 (2009) tutlayt tis snat: 110 440 620 (2010s) tutlayt taymmat: 153 919 510 (2010s) |
| agmmay arusi d Ssirilik | |
| Ingaln n tutlayt | |
| ISO 639-1 |
ru |
| ISO 639-2 |
rus |
| ISO 639-3 |
rus |
| Glottolog |
russ1263[1] |
| Wikipedia |
ru |
 | |
Tarusit ittyuran ur da tssmras agʷmmay Alatin mqqar t ssmrasnt tutlayin Tislafiyin Tutrimin, macc llan kra n mddn nna tt ittaran s ulatin. S wudm amaddud, ar ittyusmras ugʷmmay Asirilik ɣ tirra nnns. amggaru ad iga yan unafuɣ zɣ ugʷmmay agrik/ayunan, macc naḥya t. Kra n tutalyin tislafiyin tigmuḍanin d tnẓulanin da ssmrasnt agʷmmay Asirilik dɣ nttnti.
Tarusit Tanawayt ssnfl
Tarusit Tanawayt, nɣ Tarusit tasklant tatrart (Современный русский литературный язык) tbayn d zwar ɣ tuddma n tasuta tis 18. Ikka tt inn yada Pitr Axatar ar iswuruy f ustrar n uwank. Tffɣ d Trusit Tanawayt zɣ yat tantala n Trusit nna s sawaln mddn ɣ imisi d ugns n Muṣku.
Mixayil Lumunusuf ad yaran adlis amzwaru n tjṛṛumt n Trusit ɣ 1755. Tssufɣ d Tkadimit Tarusit n Tmassanin msmun awal amzwaru ismdn ɣ 1783. Tzga tjṛṛumt, amawal d ususru n Trusit, ittyuskar as usnaway ɣ tgira n tasut tis 18 d kud tlla tasut tis 19. Azmz ad ar as ttinin "Azmz awrɣi" n tskla Tarusit acku tlla ɣ yan uzmz iẓiln i imrsi ad, tettyussan sis ɣ umaḍal akkʷ.
Tbda Rusya s timmad nns ar tssmras Tarusit am tutlayt n tskla, usgmi d unyalkam amaddud. Ar tasuta tis 20, ɣar ismiln attuynin d ayt tmdinin ad issnn i tutlayt tasklant, ɣaman ayt ufara llanin bṛṛa n tmdinin ar sawaln s tantalayin nnsn tidɣranin. Ɣ Tasuta tis 20, iga uccil f wazzann akkʷ ad ttddan s tinml, ṭṭfn mddn id Tilifizyun d Ṛaḍyu, yaws mayad ɣ uzuzzr n Trusit Tanawayt. Lliɣ tlkm tuẓẓumt n tasut tis 20, amata n tantalayin nɣubant, tamẓ Trusit Tanawayt adɣar nnsnt, slawant akkʷ i uwttas n unyalkam d mddn zdɣnin ɣ wublastn.
Tisuɣal ssnfl
- ↑ Hammarström, Harald; Forkel, Robert; Haspelmath, Martin, eds. (2017). "Tutlayt Tarusit". Glottolog 3.0. Jena, Germany: Max Planck Institute for the Science of Human History. http://glottolog.org/resource/languoid/id/russ1263.
- ↑ Since 1990
- ↑ Constitution and Fundamental Law of the Union of Soviet Socialist Republics, 1977: Section II, Chapter 6, Article 36
- ↑ "Russian Language Enjoying a Boost in Post-Soviet States". Gallup. 1 August 2008. http://www.gallup.com/poll/109228/russian-language-enjoying-boost-postsoviet-states.aspx.
- ↑ Арефьев, Александр (2006). Падение статуса русского языка на постсоветском пространстве. Демоскоп Weekly (in ⵜⴰⵔⵓⵙⵉⵜ) (251). Archived from the original on 8 March 2013.