பின்லாந்து - தமிழ் விக்கிப்பீடியா
விக்கிப்பீடியா

பின்லாந்து

வடகிழக்கு ஐரோப்பிய குடியரசு நாடு

பின்லாந்து (Finland; பின்னிய மொழி: Suomi [ˈsuo̯mi]  ( கேட்க); சுவீடிய: Finland [ˈfɪ̌nland] (கேட்கⓘ)), அதிகாரபூர்வமாக பின்லாந்துக் குடியரசு (Republic of Finland) என்பது வடக்கு ஐரோப்பாவில் அமைந்துள்ள நோர்டிக் நாடுகளில் ஒன்றாகும். இது வடமேற்கில் சுவீடன், வடக்கில் நோர்வே, கிழக்கில் உருசியா, மேற்கில் பொத்னியா வளைகுடா, தெற்கில் பின்லாந்து வளைகுடா, மற்றும் எசுத்தோனியாவின் குறுக்கேயும் நில எல்லைகளைப் பகிர்ந்து கொள்கிறது. 5.6 மில்லியன் மக்கள்தொகை கொண்ட பின்லாந்து 338,455 சதுர கிலோமீட்டர்கள் (130,678 சதுரமைல்) பரப்பளவைக் கொண்டுள்ளது. எல்சிங்கி இதன் தலைநகரமும், மிகப்பெரிய நகரமும் ஆகும். மக்கள்தொகையின் பெரும்பாலானோர் பின்னிய இனத்தைச் சேர்ந்தவர்கள். பின்னியம், சுவீடியம் ஆகியன அதிகாரபூர்வ மொழிகள் ஆகும். 5.2% மக்கள் சுவீடிய மொழி பேசுகின்றனர்.[11] பின்லாந்தின் காலநிலை தெற்கில் ஈரப்பதத்தில் இருந்து வடமுனக் காலநிலை வரை மாறுபடும். நிலப்பரப்பு முதன்மையாக 180,000 க்கும் மேற்பட்ட ஏரிகளைக் கொண்ட ஒரு ஊசியிலைக் காடுகளைக் கொண்டுள்ளது.[12]

பின்லாந்துக் குடியரசு
Republic of Finland
  • Suomen tasavalta
  • Republiken Finland
கொடி of பின்லாந்து
கொடி
சின்னம் of பின்லாந்து
சின்னம்
நாட்டுப்பண்: 
VÃ¥rt land
("நமது நிலம்")
அமைவிடம்: பின்லாந்து  (கடும்பச்சை)

– ஐரோப்பியக் கண்டத்தில்  (பச்சை & கடும் சாம்பல்)
– ஐரோப்பிய ஒன்றியத்தில்  (பச்சை)  —  [Legend]

தலைநகரம்எல்சிங்கி
60°10′15″N 24°56′15″E / 60.17083°N 24.93750°E / 60.17083; 24.93750
பெரிய நகர்தலைநகர்
ஆட்சி மொழி(கள்)
அங்கீகரிக்கப்பட்ட தேசிய மொழிகள்
  • சமி
  • கரேலியம்
  • பின்னிய காலோ
இனக் குழுகள்
(2021)[1][2]
  • 91.5% பின்னியர்[note 1]
  • 8.5% ஏனையோர்
சமயம்
(2021)[3]
மக்கள்
  • பின்னியர்
  • பின்சு
அரசாங்கம்ஒருமுக நாடாளுமன்றக் குடியரசு[4]
• குடியரசுத் தலைவர்
சௌலி நீனிசுட்டோ
• பிரதமர்
சன்னா மரீன்
சட்டமன்றம்நாடாளுமன்றம்
விடுதலை 
உருசியாவிடம் இருந்து
• உருசியப் பேரரசில் இணைவும் தன்னாட்சியும்
29 மார்ச் 1809
• விடுதலை அறிவிப்பு
6 திசம்பர் 1917
• பின்லாந்து உள்நாட்டுப் போர்
சனவரி – மே 1918
• அரசியலமைப்பு உருவாக்கம்
17 சூலை 1919
30 நவம்பர் 1939 – 13 மார்ச் 1940
• தொடர் போர்
25 சூன் 1941 – 19 செப்டம்பர் 1944
1 சனவரி 1995
• நேட்டோவில் இணைவு
4 ஏப்ரல் 2023
பரப்பு
• மொத்தம்
338,455 km2 (130,678 sq mi) (65-ஆவது)
• நீர் (%)
9.71 (2015)[5]
மக்கள் தொகை
• 2022 மதிப்பிடு
Neutral increase 5,567,868[6] (116-ஆவது)
• அடர்த்தி
16.4/km2 (42.5/sq mi) (213-ஆவது)
மொ.உ.உ. (கொ.ஆ.ச.)2022 மதிப்பீடு
• மொத்தம்
 $321.2 பில்.[7] (60-ஆவது)
• தலைவிகிதம்
 $58,010[7] (21-ஆவது)
மொ.உ.உ. (பெயரளவு)2022 மதிப்பீடு
• மொத்தம்
 $267.61 பில்.[7] (46-ஆவது)
• தலைவிகிதம்
 $53,745[7] (16-ஆவது)
ஜினி (2021)positive decrease 25.7[8]
தாழ்
மமேசு (2021) 0.940[9]
அதியுயர் · 11-ஆவது
நாணயம்€ (EUR)
நேர வலயம்ஒ.அ.நே+2 (கி.ஐ.நே)
• கோடை (ப.சே.நே.)
ஒ.அ.நே+3 (கி.ஐ.கோ.நே)
திகதி அமைப்புநா.நா.மா.ஆஆஆஆ[10]
வாகனம் செலுத்தல்வலம்
அழைப்புக்குறி+358
ஐ.எசு.ஓ 3166 குறியீடுFI
இணையக் குறி.fi, .axa
  1. .eu இணையக்குறியும் ஏனைய ஐரோப்பிய ஒன்றிய உறுப்பு நாடுகளுடன் பகிரப்படுகிறது.

பின்லாந்தில் இறுதிப் பனிப்பாறைக் காலத்திற்குப் பிறகு ஏறத்தாழ கிமு 9000 ஆண்டுகள் முதல் மக்கள் வசிக்கின்றனர்.[13] கற்காலம் பல்வேறு வெண்களிமண் பாணிகளையும் மற்றும் கலாச்சாரங்களையும் அறிமுகப்படுத்தியது. வெண்கல, இரும்புக் காலங்கள் பெனோசுக்காண்டியா மற்றும் பால்ட்டிக் பிராந்தியத்தில் உள்ள பிற கலாச்சாரங்களுடனான தொடர்புகளால் வகைப்படுத்தப்பட்டன.[14] 13 ஆம் நூற்றாண்டின் பிற்பகுதியிலிருந்து, வடக்கு சிலுவைப் போரின் விளைவாக பின்லாந்து சுவீடனின் ஒரு பகுதியாக மாறியது. 1809 இல், பின்னியப் போரின் விளைவாக, பின்லாந்து உருசியப் பேரரசின் ஒரு தன்னாட்சிப் பகுதியாக மாறியது, இதன் போது பின்னியக் கலை செழித்து வளர்ந்தது, விடுதலை பற்றிய உணர்வும் தொடங்கியது. 1906 இல், பின்லாந்து பொது வாக்குரிமையை வழங்கிய முதல் ஐரோப்பிய நாடானது. அத்துடன் அனைத்து வயது வந்த குடிமக்களுக்கும் பொது அலுவலகத்திற்குப் போட்டியிடுவதற்கான உரிமையை வழங்கிய உலகின் முதல் நாடாக மாறியது.[15][note 2] 1917 உருசியப் புரட்சியை அடுத்து, பின்லாந்து உருசியாவிடம் இருந்து விடுதலையை அறிவித்தது. புதிதாக உருவாகியிருந்த இந்நாடு 1918 இல் பின்னிய உள்நாட்டுப் போரால் பிளவடைந்திருந்தது. இரண்டாம் உலகப் போர்க் காலத்தில், பின்லாந்து பனிக்காலப் போரில் சோவியத் ஒன்றியத்துடனும், நாட்சி செருமனியுடன் இலாப்லாந்துப் போரிலும் ஈடுபட்டது. அதன் பின்னர் தனது பிரதேசத்தின் சில பகுதிகளை இழந்தது, ஆனால் சுதந்திரத்தைத் தக்க வைத்துக் கொண்டது.

1950கள் வரையிலும் பின்லாந்து பெரும்பாலும் ஒரு வேளாண்மை நாடாகவே விளங்கியது. இரண்டாம் உலகப் போரின் பின்னர், அது விரைவாகத் தொழில்மய நாடாக மாறியதோடு, மேம்பட்ட பொருளாதாரத்தையும் உருவாக்கியது. அதே வேளையில் நோர்டிக் மாதிரியின் அடிப்படையில் ஒரு விரிவான நலன்புரி அரசை உருவாக்கியது; நாடு விரைவில் பரவலான செழிப்பையும் அதிக தனிநபர் வருமானத்தை அனுபவித்தது.[16] பனிப்போரின் போது, பின்லாந்து அதிகாரப்பூர்வமான நடுநிலைக் கொள்கையை ஏற்றுக்கொண்டது. பனிப்போர் முடிவில், 1995 இல் பின்லாந்து ஐரோப்பிய ஒன்றியத்திலும், 1999 இல் யூரோ வலயத்திலும், 2023 இல் நேட்டோவிலும் இணைந்தது. கல்வி, பொருளாதாரப் போட்டித்தன்மை, குடியியல் உரிமைகள், வாழ்க்கைத் தரம், மனித மேம்பாடு உள்ளிட்ட தேசிய செயல்திறனின் எண்ணற்ற அளவீடுகளில் பின்லாந்து முன்னணியில் உள்ளது.[17][18][19][20]

பின்லாந்தின் தேசிய காவியமான கலேவலா தமிழில் மொழிபெயர்க்கப்பட்டுள்ளது.

குடியரசுத் தலைவர்கள் தொகு

 
பின்லாந்தின் 11 குடியரசுத் தலைவர், டார்ஜா ஹேலோனென்.
 
பின்லாந்தின் தற்போதைய குடியரசுத் தலைவர்,சௌலி நீனிசுட்டோ
குடியரசு தலைவர்கள்
பெயர் பிறப்பு–இறப்பு பதவிக்காலம்
கே. ஜே. ஸ்டால்பர்க் 1865–1952 1919–1925
எல். கே. ரெலாண்டர் 1883–1942 1925–1931
பி. இ. ஸ்வின்ஹூப்வுட் 1861–1944 1931–1937
கே. கால்லியொ 1873–1940 1937–1940
ஆர். றைட்டி 1889–1956 1940–1944
கார்ல் மன்னெர்ஹெயிம் 1867–1951 1944–1946
ஜூஹோ பாசிக்கிவி 1870–1956 1946–1956
ஊரோ கெக்கோனென் 1900–1986 1956–1981
மௌனோ கொய்விஸ்ட்டோ 1923–2017 1982–1994
மார்ட்டி ஆட்டிசாரி 1937– 1994–2000
டார்ஜா ஹேலோனென் 1943– 2000–2012
சௌலி நீனிசுட்டோ 1948– 2012–

நகராட்சிகள் தொகு

நகராட்சி மக்கட்தொகை பரப்பளவு அடர்த்தி
ஹெல்சின்கி 564474 184.47 3061.00
யெஸ்ப்பூ 235100 312.00 751.60
டாம்பரெ 206171 523.40 393.90
வன்டா 189442 240.54 780.40
டுர்க்கு 177502 243.40 720.50
உளு 130049 369.43 351.40
லகதி 98773 134.95 730.10
குவோப்பியோ 91026 1127.40 81.00
ஜய்வாச்கைலா 84482 105.90 789.00
பொரி 76211 503.17 150.83
லப்பேன்ரண்டா 59077 758.00 77.70
ரொவனியெமி 58100 7600.73 7.60
ஜொயென்ஸு 57879 1173.40 49.10
வாசா 57266 183.00 311.20
கோட்கா 54860 270.74 203.00

குறிப்புகள் தொகு

  1. ↑ பின்லாந்து-சுவீடியர், ரொமானி, சமி மக்கள் உள்ளடங்கலாக.
  2. ↑ 1906 ஆம் ஆண்டு அனைத்து (வயது வந்த) குடிமக்களுக்கும் முழு வாக்குரிமையை வழங்கிய உலகின் முதல் நாடு பின்லாந்து ஆகும். நியூசிலாந்து 1893 இல் வயது வந்த ஆண்கள் மட்டும் வாக்களிக்கும் உரிமையை வழங்கிய முதல் நாடாகும். ஆனால் 1919 வரை நியூசிலாந்து சட்டமன்றத்திற்கு போட்டியிட பெண்களுக்கு உரிமை கிடைக்கவில்லை.

மேற்கோள்கள் தொகு

  1. ↑ "11rv – Origin and background country by sex, by municipality, 1990–2020". Statistics Finland. Archived from the original on 1 June 2022. பார்க்கப்பட்ட நாள் 21 August 2021.
  2. ↑ "United Nations Population Division | Department of Economic and Social Affairs". United Nations. பார்க்கப்பட்ட நாள் 29 June 2018.
  3. ↑ "Population". Statistics Finland. பார்க்கப்பட்ட நாள் 5 April 2021.
  4. ↑ Nousiainen, Jaakko (June 2001). "From semi-presidentialism to parliamentary government: political and constitutional developments in Finland". Scandinavian Political Studies 24 (2): 95–109. doi:10.1111/1467-9477.00048. https://archive.org/details/sim_scandinavian-political-studies_2001-06_24_2/page/95. 
  5. ↑ "Surface water and surface water change". பொருளியல் கூட்டுறவு மற்றும் வளர்ச்சிக்கான அமைப்பு (OECD). பார்க்கப்பட்ட நாள் 11 October 2020.
  6. ↑ "Preliminary population structure by Month, Area, Sex, Age and Information". Statistics Finland. பார்க்கப்பட்ட நாள் 6 April 2023.
  7. ↑ 7.0 7.1 7.2 7.3 "World Economic Outlook Database April 2022". IMF.org. அனைத்துலக நாணய நிதியம். பார்க்கப்பட்ட நாள் 19 June 2022.
  8. ↑ "Gini coefficient of equivalised disposable income". Eurostat. பார்க்கப்பட்ட நாள் 7 August 2022.
  9. ↑ "Human Development Report 2021/2022" (PDF) (in ஆங்கிலம்). ஐக்கிய நாடுகள் வளர்ச்சித் திட்டம். 8 September 2022. பார்க்கப்பட்ட நாள் 8 September 2022.
  10. ↑ Ajanilmaukset பரணிடப்பட்டது 20 அக்டோபர் 2017 at the வந்தவழி இயந்திரம் Kielikello 2/2006. Institute for the Languages of Finland. Retrieved 20 October 2017
  11. ↑ "Språk i Finland" [Language in Finland]. Institute for the Languages of Finland.
  12. ↑ Li, Leslie (16 April 1989). "A Land of a Thousand Lakes". த நியூயார்க் டைம்ஸ். பார்க்கப்பட்ட நாள் 20 September 2020.
  13. ↑ Haggren, Georg; Halinen, Petri; Lavento, Mika; Raninen, Sami; Wessman, Anna (2015). Muinaisuutemme jäljet. Helsinki: Gaudeamus. p. 23. பன்னாட்டுத் தரப்புத்தக எண் 978-952-495-363-4.
  14. ↑ Haggren, Georg; Halinen, Petri; Lavento, Mika; Raninen, Sami; Wessman, Anna (2015). Muinaisuutemme jäljet. Helsinki: Gaudeamus. p. 339. பன்னாட்டுத் தரப்புத்தக எண் 978-952-495-363-4.
  15. ↑ Parliament of Finland. "History of the Finnish Parliament". eduskunta.fi. Archived from the original on 6 December 2015.
  16. ↑ "Finland". International Monetary Fund. பார்க்கப்பட்ட நாள் 17 April 2013.
  17. ↑ "Finland: World Audit Democracy Profile". WorldAudit.org. Archived from the original on 30 October 2013.
  18. ↑ Tertiary education graduation rates—Education: Key Tables from OECD. OECD iLibrary. 14 June 2010. doi:10.1787/20755120-table1. http://www.oecd-ilibrary.org/education/tertiary-education-graduation-rates_20755120-table1. பார்த்த நாள்: 6 March 2011. 
  19. ↑ "Her er verdens mest konkurransedyktige land—Makro og politikk". E24.no. 9 September 2010. Archived from the original on 14 October 2010. பார்க்கப்பட்ட நாள் 6 March 2011.
  20. ↑ "The 2009 Legatum Prosperity Index". Prosperity.com. Archived from the original on 29 October 2009. பார்க்கப்பட்ட நாள் 4 February 2010.

வெளி இணைப்புகள் தொகு

 
"https://ta.wikipedia.org/w/index.php?title=பின்லாந்து&oldid=3699986" இலிருந்து மீள்விக்கப்பட்டது